Posted by Engineer on November 16, 2012

 

كتب الشاعر أحمد شلبي : عيونك

زهرتين نرجس

وحلم وليد

فرحة طفل بملبس

فى ليلة عيد

عيونك

شريانين ووريد

يصبوا العشق فى عروقى

وشوقى بحر ماله أرار

عيونك

شريانين أسرار

وانا اللى هصون

انا المفتون بأيامك

انا بكره واحلامك

وعمرى ما اخون

انا عاشق قديم معجون

بمية بحر ونوارس

انا طيب حنون حارس

انا مارس واوراقه

وطير راجع بأشواقه

فى سبتمبر يبوس البيت

انا اللى ربطت خليوة

وشديت اللى فات منك

غنا وحواديت

وتحت المطرة قلت هووييت

وليكى أسير

انا اللى تطوينى ملامحك

انفرد فيهم واطير

انا اللى يزيدوا عشاقك

اقول اكتر

وعمرى ما أغير

 

أحمد شلبي

سبتمبر 2009