Posted by Engineer on July 20, 2010

البوسته الفرنسية من المباني الأثرية والتي تقع على ناصية شارعي ممفيس وصفية زغلول بالقرب من قناة السويس ويرجع بناءها إلى عام 1867 وتعتبر من اقدم امباني في هذه المنطقة ، وقد تلاحظ لموقع تاريخ بورسعيد أن الإهمال الكبير قد ظهر على المبنى والذي يعتبر أيضا مهجور ، والسؤال هو هل ينتظر هذا المبنى التحفة دوره لتناله معاول هدم التاريخ مثل الكثير من المباني الأخرى والذي قضى عليها جشع المال ؟ أم ستتدخل الجهات المعنية لوقف معاول هدم التاريخ وصيانة المبنى جعله متحف في أهم منطقة ببورسعيد يرتادها السائحون؟؟

الصور التالية تظهر المبنى وما آل إليه من إهمال يعتبر سبه في جبين مسؤلين بورسعيد

 

 

 

 

 

 

 

 

 

 

 

 

 

التعليقات

كلام مهم وخطير جدا واحنا بجد عاجزين عن الشكر لمجهودكم الدائم
ومحاولاتكم المستميته فى الحفاظ على ما تبقى من تاريخ بورسعيد...
يا ريت يا ساده كان اللى ماسكين المحافظه بتاعتنا بيحبوها ربع حبكم ليها ,او على علم
ودرايه باهميه وتاريخ كل شبر فيها ,صدقونى كان حالنا هيختلف ....
ربنا معاكم ويوفقكم ولو فيه اى حاجه هتعملوها للحفاظ على المكان ده او غيره يا ريت تبلغونا من خلال الاستاذ الفاضل Mohamed Bayoud علشان نشترك معاكم
وربنا يوفقكم

يا عالم حرام عليكم يا مسئولين عن الآثار فى مصر هى بورسعيد دى مش فى مصر لو اللى موجود فى بورسعيد دا موجود فى اى مكان فى العالم كانت بقت مزار سياحى لامثيل له دا فى مطروح فى مقبرة الجنود الألمان فى الحرب العالمية التانية معمولة مزار وبورسعيد مليانة ليه الاهمال دا فى كل المجالات حسبنا الله ونعم الوكيل

المبانى الأثاريه زى كده تجذب السياح و حتفيد البلد ليه منحفظ عليها

كالعادة....بورسعيد مش محسوبة من ضمن مصر..كل واحد ييجى يبهدل فيها شويتين ويتوكل على الله واحنا اللى نتغم..فعلا سمعتها كلمة حكمة ف يوم م الايام..مش هينصلح حال بورسعيد الا لو كان المحافظ منها..ربنا يعفى عنا بقى عشان احنا تعبنا وربنا..حسبنا الله

حسبنا الله ونعم الوكيل ولكن لابدان نصعد هذه المشكلة ونجد لها طريق الى الاعلام سواء صحافة او تلفزيون وكذلك الى المؤسسات المصرية المسؤلة مثل الاثار لو حدث هذا الامر فى اى مدينة اخرى لاتخذ الناس والمسؤلين هناك اجراءات كثيرة

للأسف معاول الهدم تطول كل ما هو جميل فى هذه البلد
وبدلا من تحويل مثل هذه الاماكن الى مزارات سياحية
يتم هدمها لتصبح أبراج سكنية سخيفة
الى متى هذا الصمت من المسئولين ؟
واين دور الجمعيات الاهلية المعنية ؟

يا جماعة مش هينقذ بورسعيد الا شعبها لازم نفكلر فى تاريخنا للاسف الناس كلها مشغولة باكل العيش ونسيت التراث الغنى لبورسعيدمش هينقذ بورسعيد محافظ ولا مسؤول لان سامى خضير كان ابن البلد وعمل اية ؟لازم نقضى على الجهل اللى عشش جوانا ويقوض هذه الحملة نخبة من مثقفى بورسعيد مش الرعاع والساسة المنتفعين امثال اللى رفضوا عودة تمثال دليسبس ومنع وضع تمثال الملك فؤاداقترح توجيه الدعوة للنخبة فى بورسعيد وابنائها فى الخارج ويساهم كلا بدوره فى انقاذ ما تبقى من تراث بورسعيد الغنى .

لاتطلب الخير من بطون جاعت ثم شبعت لئان الشح ما ذال فيها و لكن اطلب الخير من بطون شبعت ثم جاعت لئان الخير ما ذال فيها د.طارق رجب اسكندرانى و عاشق بور سعيد الحبيبه

لحساب من يضيع تراثنا و تاريخنا واحد تلو الآخر أين نتجه بشكوانا . اين اللذين يحبون بورسعيد و يتغنون بحبها اين اللذين اصبحوا اثرياء من بعد فقر بفضل المنطقة الحره و يسكنون في حي البودرة و يركبون المرسيدس بعد ما كانوا يبحثوا عن قوت يومهم بالعافية , لا مفر من ان يدافع عن تراث بورسعيد شبابها ورجالها و لانتظر شئ من اعضاء في مجلس الشعب أو محافظين يأتون للنقاه و الاستشفاء في بورسعيد على حساب المنطةه الحره .